تكفون ساعدوني بمشروع صغير ...

سيدة اعمال

اختى الغاليه..

انا عندى افكار نيره وتحتاج الى دعم مالى او تمويل اذا تعرفين احد او انتى لك رغبه فى دعمى والاستفاده من افكارى فى تطوير دخلك ...ارجو ان تردين على موضوعى.

الحل عندي وانا اخوك

مالك الا المشاريع الصناعيه:

1-((ورشة حداده<<ماتكلفك حتى15 الف مع اجار المحل))..

2-((ورشة الامنيوم <<تكلف شوي يعني حدود60 الف 70الف))..

3-((اعمال جبس<<مدري كم تكلف يعني تقدر تقول 20الف بدون اجار محل))..

ملاحظه>>((كل المشاريع اللي ذكرتها لك تعتمد على الله ثم علاقتك مع الناس
وبالخصوص مع>>المقاولين<<تحتها خطين))

وهذا اللي عندي وان شاء الله كفيت ووفيت..

اخوك..

اخي المبتدئ
السلام عليك ورحمة الله وبركاته
لا اعلم كم عمرك ولكن يبدو انك حديث التخرج وكونك تستطيع تمويل مشروع بخمسين الف فوضعك غير مقلق وانت احسن من غيرك.

من واقع تجربتي انصحك بالاتي:
1-حاول ان تحصل على وضيفه"الموضوع يحتاج صبر" باي راتب ومع الوقت ستكسب الخبره الحقيقه من العمل والاحتكاك بمن سبقوك في العمل والحياه.
2-هناك مشاريع بدون راس مال كمناديب المبيعات ومصممي المواقع والاسهم اوتستخدم سيارتك الخاصه كتكسي.

هذا مااستطعت تقديمه حاليا..والله من وراء المقصد

اخي الكريم أنا مثلك ولكن اختلاف معك في بعض الشي بخصوص انشاء المشاريع الصغيرة البداية صعبة جداً جداً للغاية أنا صاحب مؤسسة تعتبر في يوم من الايام كبيرة ولكن مشاكل العمال اجبرتني على أن اقفل بعض الفروع والسبب في ذلك لايوجد مهندسين يشتغلون عندي واذا بغيت سعوديين لايعملون بجد ويوجد مشاكل كثيرة وعوار راس.
الحاصل اذا كنت جاد وتبي تشتغل معي انا مني راس المال وانت الشغل والاجتها إلى أن تعرف اسرار الشغل زين ويكون عندك خبرة.

ماسنجري
nfa72@hotmail.com

لااكون على المساسنجر بأستمرار لاني مشغول من الساعة 7 صباحاً إلى 12 ليلاً شفت الفرق بيني وبينك أنا مصر على النجاح بإذن الله ولكن اذا تبي جوالي ارسل لي رسالة خاصة

ملاحظة الي يقول فيه بطالة في هذا البلد أنا اختلف معة الشغل متوفر والدليل ناظرو الوسيلة والجرايد كله مطلوب موظفين وعمال ولكن السبب في الشباب.

اخي الكريم أنا بالرياض

ماقصرتnfaوجزاك الله خيرا

مساك الله بالخير اخوي مبتدىء
اول شي بالنسبة للمشاريع ماراح تضبط معاك لسببين :-
الاول راسمالك قليل جداً
الثاني انت في بداية الطريق وتنقصك الخبره الكافيه .
لكن فيه شي مهم انت ذكرته انك خريج دبلوم شبكات حاسب الي وهذا يعتبر تخصص حلو.
يبيلك شوية اعلان في الوسيلة واذا تقدر على الرياض فهي احلى وتشتغل في تخصصك فيه ناس كثير عندهم شغلات تحتاج لتخصصك * يعني سويت مشروع من البيت كل اللي يبيلك ترد على الجوال بعد ماتسوي الاعلان ولا تهمل اي اتصال بس اهم شي انك لازم تتأكد من المحلات كم ياخذون على هيك شغلات وتقوم انت تكسر السعر اذاهم ياخذون الف ريال خذ ميه وشو شوي وانشاء الله تنفتح بوجهك الدنيا .
في حالة انك والله تخصصك غير ملم فيه يبيلك تأخذ دورات تزيد معلوماتك وتضيف عليها شوي تشتغل بلوشي عند حقون الحاسب شهر وانشاء الله تضبط معك الشغله .
سوها وارجعل لي بعد شهرين نشوف معاك ايش الخلل واذا ضبطت تكون تجربه ناجحه نقدمها لباقي الشباب اللي زيك .
اخويا اتمنى لك التوفيق والرزق وانك ماتنساني من دعااااااااااااااااائك .
اخوك ابو عبدالله

اخي العزيز حفظك الله ورزفك
العزيمه والتوكل هي اساس نجاح اي مشروع
هناك الكثير من المشاريع الناجحه ولكن ما الذي ترغب فيه وترى انك ناجح فيه
ماهو مشروعك المفضل الذي تشعر انك قرب منه وتهواه
فهو ذالك المشروع الذي تبحث عنه
ووفقك الله