خيمة بدورين .......؟؟؟!!!

صباح الخير اختي الرايقة
فيه عدة طرق وحلول باذن الله راح تنحل معاكي راح اعدد لك بعض الخيارات اللي ممكن تناسبك :-
1- شراء قطعة ارض صغيرة وتكون في حدود المعقول فاذا قلناان سعر المتر 200 ريال والمساحة 300 م الاجمالي 60000 ريال اذا انتو استطعتو جمع المبلغ هذا يكون حلو وفيه اقل من كذا ترا .
2- تقومون ببنائها باحد الخيارات التاليه حسب مقدرتكم :-
أ- بنائها ببلك عادي وسقفها من الزنك المعزول وهذا ماراح يكلفك شي .
ب-بنائها بطريقة حديثه مسلحه وراح يكلفك الـ100م في سعر المتر 800 ريال يكون 80000 ريال .
ج-فيه بيوت جاهزة امريكية فيها ثلاث غرف نوم وصالة ومطبخ وثلاث دورات مياه (تكرمون)مع كامل اثاثها مع تكييف مركزي وراح تكلفك 120000 وتركيبها 10000(ترا صاحبها صديق لي اي واحد يبغاها يكلمني ).
د-فيه طريقه جديدة شفتها قبل كم شهر في حي الحمراء وهي انك تقوم تسويه على شكل كوخ * وهذا فيه شركة تسويه لك المتر كامل سعره 850ريال او انها تسويه لك من دون ديكورات تسويه 450ريال المتر .
من اسباب عدم قدرتنا لبناء المنازل اننا نرفع روسنا فوق ( عفوا مو الكلام موجه لك اختي الرايقه انما لكل الشباب )ولا ننظر للمثل مد رجولك على قد لحافك .
ابعطيكم بعض الامثله الواقعية :-
فيه مجموعة شباب تم تعيينهم في الرياض الذكي منهم قام وشراء له قطعة ارض صغيرة ماكلفته ولا 20000 ريال وبعدين بناها بالبلك المعزول وسوى عليها هنجر وسقف مستعار وسكن فيها واتزوج ومشت اموره وجمع رويتبه واستانس هو وعياله وسلك بهالدنيا .
الثاني معاه بنفس الوظيفه ونفس الراتب اخونا استاجر بــ 20000 ريال دورفله وجلس طول عمره في اجارات .
اذا انتم ساكنين في الرياض ولا مشت معكم الحلول هذي اطلعوا برا الرياض للمحافظات الصغيره اللي تابعه للرياض تراها اسعارها رخيصه .
واهم شي انكم انتي وزوجك تطلبون الله الرزاق العليم انه يفرج همكم .
وتحياتي لك ********************

ابو عبدالله

الله يعينا واياكي يا لختي الرايقة هذا حال الشعب السعودي كله مديون وعايش قريب من خط الفقر واصبحنا نعيش في طبقتين اما غناء فاحش واما فقر فاحش لعل الله ان يصلح الحال

( لا تلزموا أنفسكم بالسكن في وسط المدينه التي تسكني فيها ومولازم تسكني في بيت مسلح في عمارة بمصعد )


أخي الكريم ...التميمي ..

صحيح إنه مو شرط نسكن في وسط المدينة ولا في عمارة بمصعد ..... بس في نفس الوقت ما نقدر نسكن في مكان بعيد جداً عن عمل زوجي ...أو بيت قديم جداً ومنتهي ....

ولو كنت عند أهلي في الطائف كان الوضع أختلف حتى لو كنت خارج الطائف على الأقل المسافات قريبة شوي .... أما الرياض أسأل أهلها عن مشاويرها ... من حي لحي بعد الطائف عن الحوية ...


هذا شي ...

والشي الثاني ... راتب زوجي طيب وعايشين تمام ولله الحمد ... بس المشكلة في إرتفاع الإيجارات المبالغ فيه .... والملك صعب لوجود الإلتزامات البنكية على زوجي ...



أخي الفاضل شاكرة لك مرورك الجميل و تفاعلك مع الموضوع ...



دمت في حفظ الله ورعايته ...

أخي الكريم ... عقاري مرررح ..

فكرنا في حلول كثيرة ... ولكن إرادة الله فوق كل شي ...


وغير كذا وهذا الكلام للكل .... لا تفكروا إني من الناس إللي ودهم يكونوا في فلا ومؤثثة من المكان الفلاني و فخمة وغيره.... هذي الأشياء ما تهمني ولا زوجي ولله الحمد ...


كل همنا نكون في بيت يكفينا والأهم يكون نظيف ومرتب ...



أخي الفاضل ... أسعدني مرورك ...


بارك الله فيك وجزاك خيراً...

عليكي أختي بالصدقة...!!!

إلى أن يأتي الفرج من رب الأرباب وهازم الأحزاب ومجري السحاب... ولا تيأسي...!!

أخي الفاضل... أبو أنس..


شاكرة لك مرورك الكريم.. وكلامك الجميل ..


بارك الله فيك وجزاك خيراً...

الله يكون بالعون............وشكرا على المشاركه ...
واملنا في الله كبير بان تتعدل الاحوال......
ودمتم