أبونواف لتسويق العقارات ،،، ؟

السلام عليكم

الأخ / أبونواف لتسويق العقارات

جزاك الله خير

عندي استفسار اذا ممكن

هل يوجد اراضي بشمال الرياض حدود 312 الى 350 قابله للبناء وماهو سعر المتر ؟

.

السلام عليكم ورحمة الله وبركاته

أخي
Suliman

مرحباً بك بين إخوتك

سُعدنا جميعاً بإنضمامك معنا قي هذا المنتدى

في هذا المنتدى ستجد إن شاء الله مايسرك ومايلبي إحتياجك

* * *

أنا سعيد ومحرج منك وفي نفس الوقت أتمنى أن أكون عند حسن ظنك بي

لأنك تقول.. في موضع.. " ابي رايكم يا ومشورتكم يا وجيه الخير " :
بصراحه اعجبني رد ابو نواف وسجلت بهالمنتدى عشان ابو نواف ولا يهون الجميع

* * *

أخوي كل ماحتاجه بعض الوقت وبعض المعلومات مثل.. الحي حسب الأفضلية ـ المبلغ التقريبي ـ الوقت المتوقع لبداية البناء .

أكرر شاكر لك على ثقتك
وسعيد بتسجيلك

وبالتوفيق

.

وعليكم السلام ورحمة الله وبركاته

اخي الفاضل والعزيز / ابو نواف

اشكرك كثيرا على ترحيبك الحار وعلى تعاملك الراقي جزاك الله الف خير

اخوي ابو نواف انا بعطيك السالفه كلها عشان تكون في الصوره

انا ياطويل العمر طلع قرضي من صندوق التنميه العقاري بعد سنين من الانتظار - الحمدالله

وتعرف يا اخي ابو نواف ان القرض 300 الف ريال فقط

وأنا لا املك ارض لذلك سوف ادخل في دوامه التقسيط عشان اشتري ارض بحدود 200 الى 250

الف واقدمها للبنك عشان ابدأ عليها البناء بحول الله وقوته

سؤالي هل قرض البنك كافي للبناء ؟

مع العلم اني اريد ارض بحدود 350م والتشطيب عادي - يعني تحت استقبال وخمس او ست غرف

ولا نستغني عن شورك يابو نواف - جعل الله هذا في ميزان حسناتك

وجزاك الله الف خير

.

أهلاً وسهلاً

أخي Suliman

مبروك عليك القرض " الله يطرح فيه البركة "

الـ 300 الف ماتسوي شيء وخصوصاً في هذه الأيام
(( كل شيء غااااااالي ))

لكن
عندي لك حل
يحتاج إلى دراسة متأنية

زميل لي ( ثقة ) لدية مؤسسة مقاولات
يبني في أماكن متفرقة من مدينة الرياض
نشوف لك وحدة من فللة اللي تحت الإنشاء وتتفق معه على تسليم مفتاح

مثلاً...
فيه فيلا زاوية ( تحت الإنشاء )
15 شرقي ـ 15 جنوبي
المساحة 262م2
درج بالصالة
بحي العزيزية
" صحيح إنها في الجنوب لكن أكل العنب حبة حبة " ياكلك حبة حبة
بسعر ( 600 الف ) كاش

تعطيه دفعة مقدمة ( 300 الف ) + القرض ( 300 الف )
[ علماً بأنه المحصل هو من يقوم بإستلام دفعات القرض خلال 10 أشهر ]
وتسجل الفيلا بإسمك " في كتابة العدل " حتى يقبلها الصندوق العقاري
وبذلك يصبح المبلغ المدفوع ( 600 الف )


( وجهة نظر... الفيلا بهذا السعر وبهذا الأسلوب في الدفع مكسب )

ملاحظة...
" مافيه أحد شرى فيلا من زميلي إلا وباعها بمكسب "
" أو سكن وتمسك بها ورفض العروض المقدمة له "

.

.

بالنسبة للشمال
يحتاج بحث دقيق
( ولو دورنا لك فيلا بالإبرة )
وأنت مطلوب منك شيئ واحد
فقط خلك متعلق مع الله بالطاعات والدعاء
وإن شاء الله ربي ييسر أمرك

********

أما بالنسبة للفيلا المذكوره أعلاه
فكر فيها كإستثمار
وبعد ماتستلم الفيلا تعرضها ب650 الف كأقل حد

وتأخذ فلوسك كاش وتشوف لك فيلا صغيرة
في أطراف الشمال أو في قلب الشمال وتكون مستعملة

والله أعلم

الله يوفقنا وإياك.

.

كيف آخذ فلوسي كاش وهي اصلا مرهونه للصندوق العقاري ؟

الله يجزاك خير على النصيحة

.

تبيعها كاش بع ماتنقل القرض منها إلى الفيلا اللي بتشتريها في أطراف الرياض
بشرط عمرها لايتجاوز 7 سنوات وبشرط آخر يكون بينك وبين البائع ثقة متبادلة
لأنه بيسجل الفيلا باسمك بضمان الفيلا الأولى حتى تكتمل عملية نقل القرض
ثم يستلم المبلغ بعد بيع فيلا العزيزية

أنقلب راسك

.