500.000.00. ( خمسمائة ألف )تشتري أرض و تبني فيلا أوتشتري جاهز في شمال أو شرق الرياض .

والله وان اخيك ما اتوقع الخمسمائه تسقيك ميه في الوقت الحاضر الا في حال شراء فله مش ولا بد

مشكور اخوي عابر القارات على مرورك

وانا فعلا ما كتبت هذا الموضوع لاني محتاج اراء الخبراء في العقار.
لانه مالي في هذ السوق نهائياً لا شراء او بناء خصوصا بعد ارتفاع الاسعار اللي صاير.

واتمنى من الاخوة انهم ما يحرمونا من ارائهم.

والسلام ختام

السلام عليكم

اخوي بارك الله فيك 500 الف كافية اذا انت موظف ممكن تاخذ لك قرض من احد البنوك
بنسبة مرابحة 4 الى 5 في الميه ويعطونك الى 50 راتب وممكن انك تشري ارض بالمبلغ
وجزء من المبلغ تبدا به عظم وبمبلغ القرض ممكن تنجز الفيلا ....اما اذا كان ماودك بقروض
فماتكفي مع اسعار مواد البناء نار وغلاء * وممكن انك تحصل فلل على مساحات اقل من 300م
في بعض احياء شرق وشمال الرياض اكثر من هالمبلغ بشوي لكن ماتدري عن سباكتها والشغل فيها يمكنه سلق بيض على قولتهم وتبدا الخرابات معك ثاني شهر سكن .

ابوعمر

حسب الحي والمساحة